بلاغ للنائب العام يتهم مذيعة مصرية بإهانة السيسي

تلقى النائب العام بمصر المستشار نبيل صادق، بلاغا من المحامي أشرف فرحات، اليوم الأربعاء، يتهم المذيعة بالتلفزيون المصري، عزة الحناوي، بإهانة رئيس الجمهورية عبد الفتاح السيسي، والتحريض على قلب نظام الحكم، والسعى لنشر الفوضى في البلاد.

وجاء في البلاغ رقم 3507 لسنه 2016 عرائض النائب العام، أن عزة الحناوي، شنت هجوما ضد رئيس الجمهورية عبد الفتاح السيسي، وكافة أجهزة الدولة، وقالت نصا أمام مرأى ومسمع من مشاهدي التلفزيون: "حضرتك قولت لما حد يوجعكم يا مصريين متردوش واشتغلوا.. احنا بنشتغل بس أجهزتك وحضرتك مبتشتغلش الحقيقة".

كما اتهمت الرئيس بالتقاعس عن أداء مهام وظيفته حين قالت: "مفيش ملف أنت حليته من ساعة متوليت رئاسة مصر.. وباقي شهور قليلة وتنتهي سنتين من ولايتك ولم نرى تغيير كما وعدت"، وزعمت أن الرئيس يتبع سياسة هتلر الديكتاتورية ما تسبب في هروب المصريين إلى الخارج.

وطالب البلاغ من النائب العام إحالة المذيعة عزة الحناوي، لنيابة أمن الدولة العليا، والتحقيق في اتهامهما بإهانة رئيس الجمهورية، والتحريض على قلب نظام الحكم ونشر الفوضى، ومنعها من السفر.

وقالت عزة الحناوي في مقطع الفيديو المتداول على شبكة الإنترنت: "كلمة أخيرة للسيد الرئيس، يعني ليه مقولة بيقول فيها (يعني لما حد يوجعني يا مصريين متردوش، اشتغلوا)، عظيم، المصريين بيشتغلوا لكن معظم القيادات في الدولة ويمكن كلهم هم اللي مبيشتغلوش، وسيادتك كمان مابتشتغلش الحقيقة، مفيش ملف حليته لغاية دلوقتي من يوم ما جيت، ومن يوم ما توليت حكم مصر، وبقي على انتهاء العامين من فترة ولاية سيادتك شهور قليلة، وسيادتك وعدت الشعب المصري بعد سنتين هتشوفوا مصر في دنيا تانية، منتظرين، السنتين قربوا ينتهوا، فات منهم سنة و8 شهور".
وتابعت المذيعة: "اتعلمنا الوطنية من التعليم يعني إيه وطن يعني إيه بلد، يعني إيه انتمائنا للقوات المسلحة والجيش المصري، اتعلمنا دا من خلال التعليم، دلوقتي في أطفال صغيرة طالعة مش حابة البلد من المعاناة اللي بيشوفوها، من أجهزة الدولة، بعض الناس شايفة كأن النظام رافع شعار (ضد الشعب المصري)، شعار يعني بيقوله (يا الرحيل التام يالموت الزؤام) كأن الشعب المصري محتل أشر، عندك ناس عايزة تسيب البلد، وفي ناس سابت، سواء بطرق شرعية أو غير شرعية، دي معلومات حقيقية من الناس في الشارع وفي كل مكان، وأقارب وجيران، ناس شباب عايزين ينتموا لجنسيات أخرى غير مصر، حتى إن كان فيها تنازل عن جنسيتهم المصرية وده خطر، لما ننبه ليه نبقى احنا عملاء وخونة وموجهين؟".
ورد ضيف الحلقة، الكاتب الصحفي أسامة شحاتة، نائب رئيس تحرير جريدة المساء، على المذيعة: "احنا بنقول حاجة، بنقول إن احنا دولة في ظروف صعبة"، لتقاطعه "الحناوي": "الرئيس بس زي ما بيطالب الشعب إنه يعمل، هو يعمل أولا السيد الرئيس".

المصدر المفكررة الاسلامية