0
اجتاحت وسائل التواصل الاجتماعي شريط فيديو لسائق "توك توك" في مصر، يشرح من خلاله بطريقة عفوية ومنطقية وشجاعة تفاصيل تردي الأوضاع الاقتصادية التي تمر فيها مصر حالياً.

وظهر سائق "توك توك" في تقرير مصور من الشارع، عبر فضائية "الحياة"، حيث بدأ كلامه بالقول "دولة لها برلمان، ولها مؤسسات عسكرية، ومؤسسات أمنية، خارجية وداخلية، ولها 20 وزارة.. حالها يبقى بالوضع ده، والشكل ده.. إزاي؟".

وأضاف "قبل ما يحصل انتخابات لرئيس الجمهورية، كان عندنا سكر يكفينا، وكان عندنا أرز بنصدره.. راح ده كله فين؟ هو إيه اللي حصل؟ عايزين نفهم".

ووجه السائق صواريخ انتقاداته إلى الإعلام المصري وقال: "نتفرج على التليفزيون نلاقي مصر فيينا.. ننزل في الشارع نلاقيها بنت عم الصومال"، مضيفاً "الناس اللي مش لاقية، والناس التعبانة"، في مقابل اللي: "طالعين في التليفزيون.. مصر بتنهض، ومصر بتروح، ومصر بتيجي.. وعمالة ترمي الفلوس في مشاريع قومية ما لهاش لازمة.. وإحنا التعليم عندنا متدني لأسوأ مما تتخيل".

كما استنكر احتفالية البرلمان في شرم الشيخ، قائلاً: "بيحتفلوا والمواطن مش لاقي ياكل، ده ربنا هيجيبهم يوم القيامة يسألهم لمن الملك اليوم؟"

وأضاف: "حرام مصر يتعمل فيها كده، بالله عليك إزاي وصل الحال بينا كده، بعد ما كنا أكبر احتياطي نقدي في العالم، يجي دلوقت حبة دول من الخليج تتريق علينا؟ إيه اللى حصل".

ولفت سائق "التوك توك" إلى ثلاثة أمور ضرورية لنهضة مصر،" تعليم، وصحة، وزراعة"، مردفا: "لو المواطن لقي الثلاث حاجات دي.. أقسم لكم بالله: ما يقدر عليه غير ربنا".

وعرج في حديثه إلى موقع مصر تاريخياً حيث قال "إحنا من مئة سنة بس.. اليابان جاءت تدرس النهضة المصرية.. دي مصر.. دي مصر يا جدعان اللي كانت مسلفة بريطانيا، ثاني دولة في العالم، وعملت أول خط سكة حديد.. مصر.. اللي الاحتياطي النقدي بتاعها كان أكبر احتياطي نقدي في العالم. يبقى حالها كده؟ حرام مصر يتعمل فيها كده".

وأضاف "مصر اللي كانت تحت إمرتها تشاد والسودان والسعودية.. دول الخليج تسخر اليوم وتقول: بصوا لأدوارنا، وبصوا إحنا بنيدكوا، ونعمل لكم.. اللي كان تشريفا لنا من سبعين سنة كانت كسوة الكعبة بتطلع من مصر؟".

وتابع متسائلاً: "ما فيش حد قلبه على مصر، وبيحب مصر، يقول: لا.. حرام ما يرضيش ربنا.. شوية تجار ضحكوا على الناس بحجة الوطنية والديمقراطية والعدالة الاجتماعية وعهودهم بعيدة كل البعد عن الديمقراطية والعدالة".

واكتسحت كلامات سائق التوك توك" منصات التواصل الاجتماعي، وقامت حسابات وصفحات كثيرة بنشره تحت وسم "#انا_خريج_توكتوك"، حيث برز بين الهاشتاغات الأكثر انتشاراً في مصر اليوم الخميس.

يشار أن مصر تعيش حالياً أوضاعاً اقتصادية ومعيشة صعبة، حيث هوى الجنيه المصري إلى مستويات غير مسبوقة في السوق السوداء، ليقفز الدولار أمامه إلى مستويات قريبة من 16 جنيهاً.
أورينت نت

إرسال تعليق

جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).

 
Top