0

كتب: على القماش
من هنا ورايح مش هيذيعوا أغنية عبد الحليم حافظ انى أتنفس تحت الماء انى أغرق
ها يعتبروا الأغنية مناخ تشاؤمى لتعويم الجنيه.

يعنى لما يرفعوا سعر الوقود الأيام دى يبقى مين بالضبط اللى بيحط البنزين جنب النار ؟.

هل ممكن للمصريين أن يقاطعوا البنزين ويمونوا السيارات كازوزه ؟.

مصطفى بكرى من أسبوع قال بالحرف الواحد : فيه كلام بيتردد عن زيادة أسعار البنزين والمواد البترولية .. فى الحالة دى لاءه وألف لاءه للقرض . أسعار النقل فى كل حاجة هترتفع والأسعار هتبقى نار . والمواطن مش هيقدر عليها لأن الأسعار فى الفترة الأخيرة ارتفعت ومش ناقصة أى زيادة
تفتكروا دلوقتى هيكمل كلامه فى نفس الاتجاه ولا هيلتزم الصمت ؟.

سألت لاعب كره : هل يجوز أن نقول بدل 11 /11 نقول 11 الكل  ؟.

قال لو اليوم ده انتهى بدون نتيجة  . الحكومة هتزود وقت اضافى أو هتعمل ضربات جزاء.

محدش خد باله من حكمة اختفاء السكر فى الآول .. ان الحكومة كانت ناوية تدخل  على مرحلة مرار !.

الحمد لله . مفضلش غير قرار واحد وناخد القرض فى ايدينا
نعمل عجين الفلاحة.

 المصدر جريدة الشعب

إرسال تعليق

جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).

 
Top